Bakıda polisdən qaçan "avtoş" belə həbs olundu - FOTO

Bakıda yol hərəkəti qaydaları kobud şəkildə pozaraq yol polisindən qaçan sürücü saxlanılıb. Bu barədə Avtosfer.az-a Bakı şəhər Dövlət Yol Polisi İdarəsinin şöbə rəisi, polis polkovniki Vaqif Əsədov məlumat verib.

1995-ci il təvəllüdlü İsgəndərov Əyyub Saleh oğlu idarə etdiyi "VAZ 21015" markalı, 90 RS 528 dövlət nömrə nişanlı avtomobil ilə Ziya Bünyadov prospektində yol hərəkəti qaydalarını pozub. Daha sonra yüksək sürətlə Əhməd Rəcəbli küçəsi ilə hərəkət edərək Cəfər Xəndan küçəsində keçib. Yol polisinin saxla əmrindən qaçmaq istəyən sürücü Azadlıq prospektində süni tıxac vasitəsilə saxlanılıb. Aidiyyəti üzrə toplanmış materiallar məhkəməyə təqdim olunub. Məhkəmənin qərarı ilə sürücü İnzibati Xətalar Məcəlləsinin 511.1 və 535.1-ci maddələri ilə təqsirli bilinərək 1 il sürücülük hüququndan məhrum edilməklə 20 gün  müddətində inzibati qaydada həbs olunub.