Bakıda xüsusi dayanacaqlar ayrıldı - VİDEO

İlk Avropa Oyunlarını izləməyə gələn tamaşaçıların minik avtomobillərini saxlaması üçün iki dayancaq müəyyən edilib. Avtosfer.az atv.az-a istinadən xəbər verir ki, dayanacaqlardan biri Füzuli meydanının yaxınlığında, Mərkəzi Parkın altındakı dayanacaqdır. Həmin dayanacaqda eyni vaxtda 3 min avtomobil saxlamaq mümkündür.

Digəri isə Fətəli Xan Xoyski küçəsindəki Gənclik Parkında yerləşən dayancaqdır. Orada eyni anda 650 avtomobil saxlamaq mümkündür. Həmin dayanacaqlarda ilk Avropa Oyunlarını izləmək üçün biletləri olan avtomobil sahiblərinə güzəştli tarif tətbiq olunacaq və avtomobilin saxlanmasına görə müddətindən asılı olamayaraq onlardan 1 manat alınacaq.

Nəqliyyat Nazirliyindən verilən məlumata görə,  dayanacaqların yanında “ekspess” avtobuslar da olacaq və yarışlara biletli olan şəxslər idman arenalarına pulsuz daşınacaq.