Bakı–Tbilisi qatarına bir ayda neçə BİLET SATILIB?

Mayın 21-dən indiyədək Bakı–Tbilisi–Bakı marşrutu üzrə 20 min bilet satılıb. Avtosfer.az xəbər verir ki, bu barədə "Azərbaycan Dəmir Yolları" QSC-nin İctimaiyyətlə əlaqələr şöbəsinin müdiri Bəxtiyar Hacıyev "Bizim.Media"nın sorğusuna cavab olaraq bildirib.

O, qeyd edib ki, 5 minə yaxın bilet kassalarda satılıb.

"Bilet satışı başlanan gündən bu marşruta böyük tələbat müşahidə olunur. Sərnişin tələbatını qarşılamaq məqsədilə 11 iyundan etibarən Bakı–Tbilisi–Bakı marşrutu üzrə qatarlara əlavə vaqon qoşulub və satışa yeni biletlər təqdim edilib. Əlavə satışa çıxarılan biletlər də qısa müddət ərzində satılıb.
Hazırda qarşıdakı 30 günlük dövr üçün Azərbaycandan Gürcüstana olan reyslər üzrə biletlərin böyük əksəriyyəti, Gürcüstandan Azərbaycana olan reyslər üzrə isə bütün biletlər satılıb".
Xatırladaq ki,  Bakı-Tbilisi-Bakı marşrutu üzrə hərəkət mayın 25-də bərpa olub, biletlər isə mayın 21-dən satışa çıxarılıb.