BNA piyadalar üçün 100 ədəd nizamlayıcı lampalar quraşdıracaq - FOTO

Bakı Nəqliyyat Agentliyi (BNA) Azərbaycan Respublikasında yol hərəkətinin təhlükəsizliyinə dair 2019–2023-cü illər üçün Dövlət Proqramının icrası çərçivəsində piyada təhlükəsizliyinin artırılması istiqamətində tədbirləri davam etdirir. BNA-dan Avtosfer.az-a verilən məlumata görə,

agentlik tərəfindən küçə və prospektlərimizdə yerləşən nizamlanmayan piyada keçidlərində sarı döyünən işıq lampalarının quraşdırılması işlərinə start verilib.

Bildirilir ki, məqsəd günün xüsusən qaranlıq və toran saatlarında sürücülərin daha diqqətli olmasını və piyada keçidlərini öncədən görməsini təmin etməkdir.

Həmiçinin məlumatda, ilkin mərhələdə 100 ədəd nizamlanmayan piyada keçidinə bu cür lampaların quraşdırılması nəzərdə tutulduğu qeyd edilib.

Namiq Musayev