Borca görə axtarışda olan 22 nəfər saxlanılıb

Daxili İşlər Nazirliyi fevralın 9-da daxili işlər orqanlarında qeydə alınmış cinayət və hadisələr haqqında statistik məlumat yayıb. DİN-in Mətbuat Xidmətindən verilən Avtosfer.az-a verilən məlumata görə, gün ərzində törədilmiş 28 cinayətin üstü “isti izlər”lə açılb. Eyni zamanda əvvəlki dövrlərdən bağlı qalmış 7 cinayətin açılması təmin olunub.  
Axtarışda olduğuna görə ümumilikdə 29 nəfər, o cümlədən borclu şəxs qismində axtarışda olan 22 nəfər saxlanılaraq aidiyyəti üzrə təhvil verilib.
Respublikanın avtomobil yollarında 1 yol-nəqliyyat hadisəsi baş verib, nəticədə 1 nəfər ölüb.   
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 16, qanunsuz saxlanılan silah-sursatla bağlı 1 fakt müəyyən edilib.
Cinayət törətməkdə şübhəli bilinən 38 nəfər saxlanılıb.