Bu dairədə piyadalar və avtomobillər öz qaydalarını işə salır - VİDEO

Bu ərazidə həmişə avtomobillər və piyadalar qaydalara məhəl qoymadan hərəkət edir.
Avtosfer.az xəbər verir ki, xoşagəlməz hadisənin görüntüləri sosial şəbəkələrdə qınaq obyektinə çevrilib. Kadrlardan da məlum olduğu kimi video 20 yanvar dairəsində lentə alınıb. Belə ki, motosikletin hərəkətini gözardı edən piyadaların rahatlığı və avtomobil yolunu parkla səhv salmaları diqqət cəlb edir. Hətta ilk kadrlarda arxadan gələn motosikleti gözardı edən sürücü və sərnişin də gözdən qaçmır. Maraqlı məqamsa işıqforun qırmızı işığına arxalanan piyadaların yolun sağ və sol istiqamətinə baxmadan əminliklə yolda hərəkət etmələridir. Digər tərəfdən taksi sürücülərinin daim tıxac yaradaraq nəqliyyat vasitələrinin hərəkətini məhdudlaşdırması da aktuallığını qoruyub saxlayır. Günün istənilən saatında sıxlığın əksik olmadığı bu ərazidə təəssüf ki, problemin həlli istiqamətində irəliləyiş yoxdur. 
Qeyd edək ki, hər zaman tıxac və qayda pozuntularıyla gündəmdə olan 20 yanvar dairəsini sosial şəbəkə istifadəçiləri “Hindistan”, “Banqladeş” kimi ölkələrə bənzədib. 

Nərmin