Bu məhsullar kəskin bahalaşacaq – YENİ RÜSUMLAR

Nazirlər Kabineti “Azərbaycanın xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib. Qərar ölkənin xarici ticarət siyasətinin tənzimlənməsi, yerli istehsalın müdafiəsi, idxal-ixrac əməliyyatlarında şəffaflıq və sabitliyi təmin etmək məqsədi daşıyır. Dəyişikliklər əsasən beynəlxalq mal nomenklaturasının bəzi alt yarımmövqelərinə (xüsusilə ayaqqabı, qoruyucu burunaltılı ayaqqabı, şüşə və polad məhsulları) aid tarif dərəcələrinin yenilənməsi ilə bağlıdır.
Hansı məhsullar bahalaşacaq?
Avtosfer.az-ın məlumata görə, mövzu ilə bağlı "Bizim.Media"ya açıqlama verən Liberal İqtisadçılar Mərkəzinin sədri Akif Nəsirli bildirib ki, bu qərar idxal olunan məhsulların qiymətinə təsir göstərə və bəzi hallarda onların bahalaşmasına səbəb ola bilər:
“Dollarla sabitləşdirilmiş rüsum, valyuta kursundan asılı olmayaraq ayaqqabının qiymətini artıra bilər, xüsusən ucuz ayaqqabılarda. Əgər 15% rüsum cüzi qiymətli ayaqqablarda daha az yük gətirirdisə, sabit 9 dollar bir cüt üçün daha yüksək qiymət artımına səbəb ola bilər. Şüşənin idxal qiyməti ton başına sabit rüsumla artırılır. Əgər ton qiyməti rüsumdan aşağıdırsa, bu əlavə xərci idxalçı məhsul qiymətinə əlavə edəcək və daxili bazarda qiymətlərin yüksəlməsinə gətirib çıxara bilər. Yeni qayda armaturun qiymətinə də təsir edəcək. Belə ki, ucuz idxal edilən armaturların qiyməti artacaq. Nəticədə, tikinti materiallarının daxili bazar qiymətləri yüksələcək. Bir sözlə sabit rüsumlar və minimum tariflər idxal məhsullarının qiymətini qısamüddətli perspektivdə artıraraq, daxili bazarda bahalaşmaya səbəb ola bilər. Bahalaşma effekti məhsulun əvvəlki idxal qiymətindən və valyuta kursundan asılı olaraq fərqli olacaq”.
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib
“Kəndlərdə əkin-biçin sahəsi qalmayıb, hamısı...” – Ekspert tıxacların səbəbindən danışdı
ABŞ və müttəfiqləri Çinin Yaxın Şərqdəki məsələlərdə vasitəçi olmasını niyə istəmir? – POLİTOLOQ
Prezident İlham Əliyevin İrlandiyaya işgüzar səfəri başa çatıb
Braziliyada rus dizelinə maraq göstərilmədi












