Dəmir Yolları bayram günlərində növbəli iş rejmində işləyəcək

"Azərbaycan Dəmir Yolları" QSC dekabrın 29-dan başlayaraq Yeni il və Dünya Azərbaycanlılarının Həmrəyliyi Günü ilə bağlı keçirilən bayram günləri bitənə qədər növbəli rejimdə işə başlayır. Sərnişinlərin əsas sıxlığı dekabrın 29-30-da gözlənilir. Bunu "Report"a "Azərbaycan Dəmir Yolları" QSC-nin Mətbuat Katibliyinin rəisi Nadir Əzməmmədov bildirib. Onun sözlərinə görə, biletlər artıq satılıb, lakin bayram günlərində sərnişinlər yenə bilet ala biləcəklər: "Sərnişin sıxlığına uyğun olaraq qatarlara əlavə vaqonlar qoşulacaq. Qeyd edim ki, sərnişinlərin sıxlığı ən çox qərb istiqamətində müşahidə edilir". Katibliyin rəisi həmçinin sərhəd-keçid məntəqələrində gücləndirilmiş iş rejminin tətbiq olunacağını qeyd edib.