DİM-in açıqlaması yalan çıxdı - İmtahana gecikənlər çöldə qldı - FOTO

Bakıda hökm sürən əlverişsiz hava şəraiti magistraturaya qəbul imtahanında ciddi qalmaqala və kütləvi narazılığa səbəb olub.

Avtosfer.az Redaktor.az-a istinadən xəbər verir ki, Dövlət İmtahan Mərkəzinin (DİM) gecikən bakalavrların imtahana buraxılması ilə bağlı yaydığı rəsmi bəyanat sosial şəbəkələrdə kəskin şəkildə təkzib edilib.

Güclü yağış və paytaxt yollarında yaranan iflic vəziyyət səbəbindən yüzlərlə bakalavr imtahan binalarına vaxtında çata bilməyib. Yaranmış fors-major vəziyyətlə bağlı rəsmi açıqlama yayan DİM, hava şəraitinin nəzərə alındığını və gecikən şəxslərin imtahana qəbulunun təmin olunduğunu elan etsə də, reallığın tam fərqli olduğu ortaya çıxıb.

Sosial şəbəkələrdə imtahan verən gənclərin yaxınları və valideynlər DİM-in bu açıqlamasına kəskin etiraz ediblər. Vətəndaşlar rəsmi bəyanatın reallığı əks etdirmədiyini və qapıların gecikənlərin üzünə bağlandığını bildirirlər.