Ermənistanın daha iki pilotsuz uçan aparatı məhv edildi - FOTO

Ermənistan Silahlı Qüvvələrinin daha 2 ədəd pilotsuz uçan aparatı (PUA) məhv edilib. Müdafiə Nazirliyinin mətbuat xidmətindən verilən məlumata görə, PUA-lar cəbhənin Ağdam rayonu istiqamətində vurulub. Mətbuat xidmətinin məlumatında deyilir: "Cəbhənin Ağdam rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus 2 ədəd "Krunk-25" taktiki pilotsuz uçuş aparatı (PUA) Hava Hücumundan Müdafiə bölmələrimizin sayıqlığı nəticəsində vaxtında aşkar olunaraq atəş nəticəsində məhv edilib". 

"Krunk-25" pilotsuz uçuş aparatı taktiki dərinlikdə hava kəşfiyyatı tapşırıqlarını yerinə yetirmək üçün nəzərdə tutulub. Aparat proqramlaşdırılmış avtopilotla, video və fotokameralı avadanlıqla təchiz olunub. PUA yerdən operator tərəfindən idarə olunur. 

Uçuş aparatının maksimal uçuş hündürlüyü 5400 metr, qalxma çəkisi 60 kq, uzunluğu 3.8 metr, qanadların açılma uzunluğu 5 metr, havada qalma vaxtı 5 saat, uçuş sürəti 150 km/saatdır.

Emin