Fond birjasına silahlı basqın; 8 ölü, 7 yaralı – FOTOLAR + VİDEO (+21)

Pakistanda 4 terrorçunun fond birjasının binasına etdikləri silahlı basqını nəticəsində 8 nəfər ölüb, daha 7-si isə xəsarət alıb. Avtosfer.az xəbər verir ki, insident iyunun 29-da Karaçi şəhərinin “Çundriqara” avtomagistralında baş verib. Bu barədə “Geo News” telekanalı məlumat yayıb.

Telekanalın məlumatına görə, cinayətkarlar birjanın qarşısına “Toyota” markalı avtomobillə gəliblər. Ardınca fondun əsas giriş qapısına əl qumbarası atıblar və sonra isə rast gələ “AK-74” avtomatlarından atəş açıblar.

Birjanın ziyarətçiləri qəza çıxışı qapısından evakuasiya ediliblər.  

Bildirilir ki, hüquq-mühafizə orqanlarının əməkdaşları 4 terrorçunu zərərsizləşdirib.

Namiq Musayev