"Formula-1" ulduzunun ailəsi dağıldı - FOTO
Gündəm
23 Dekabr 2015 11:13
Oxunub 1109
2014-cü ildə, Müqəddəs Valentin günündə Censon Batton sevgilisinə 400 min dollarlıq nişan üzüyü təqdim etmiş və Cessika ilə nişanlanmışdı
Beynəlxalq "Formula-1" yarışlarında çıxış edən "McLaren Honda" komandasının ulduzu, 2009-cu ildə dünya çempionu olmuş Censon Batton boşanır.
Avtosfer.az xəbər verir ki, o, model xanımı Cessika ilə bir illik nikahdan sonra ayrılmaq qərarına gəlib.
Ötən ilin sonlarında Havay adalarındakı təntənəli toy mərasimi ilə ailə quran 25 yaşlı Censonla 31 yaşlı Cessika 2008-ci ildə Tokiodakı otellərdən birinin barında tanış olmuşdular. Səkkiz ay sonra isə onlar birlikdə yaşamağa başlamışdılar.
2014-cü ildə, Müqəddəs Valentin günündə Censon Batton sevgilisinə 400 min dollarlıq nişan üzüyü təqdim etmiş və Cessika ilə nişanlanmışdı.
Əsasən "TAG Heuer" brendi ilə əməkdaşlıq edən Cessika Batton sonradan ailə həyatından narazı qalmışdı.
"Censon yarışlardadır, müxtəlif ölkələrdədir. Evlənməzdən əvvəl daha çox bir yerdə olurduq", - Cessika demişdi.
Censon Batton əsasən Monakoda yaşayırdısa, Cessika anası ilə Tokioda, kiçik mənzildə idi.
Censon və Cessika evlənəndə nikah müqaviləsi bağlamadıqlarından boşanma prosesində əmlak bölgüsü problemi yaranmayacaq.
ŞƏRH YAZ
