“Formula-1”in təqvimi dəyişə bilər

“Formula-1”in britaniyalı icmalçısı Ceyms Allen çempionatın 2016-cı il üçün təqviminin ilkin versiyasını şərh edib. 

Avtosfer.az bu barədə f1report.ru saytına istinadla xəbər verir. 

“FİA nümayəndələri növbəti mövsüm üçün çempionatın təqviminin ilkin versiyasını açıqlayıblar. Lakin qeyd etmək istəyirəm ki, təqvimin yekun versiyası ilkin versiyadan çox fərqlənə bilər. 

2015-ci il mövsümünün də ilkin təqvimində 21 yarış var idi, lakin sonra Koreyadakı mərhələ və Aımaniyadakı qran-pri təqvimdən çıxarıldı”, - Allen qeyd edib.

Növbəti mövsüm üçün təqvimdə əsas dəyişiklik yarışın Azərbaycanda keçirilməsidir. Mövsüm apreldə başlayacaq və noyabrın sonuna qədər çempionatın iştirakçıları sıx qrafikdə işləyəcəklər – mərhələlər arasında yeddi fasilə yalnız bir həftə təşkil edəcək.