Gəmidə partlayış oldu; 1-i ağır, 4 yaralı

Yunanıstanın Krit adası sahillərində lövbər atmış “Blue Star Horizon” gəmisində partlayış olub. Avtosfer.az xəbər verir ki, hadisə avqustun 24-də İraklion limanında qeydə alınıb. Bu barədə yerli “Sky” radiostansiyası məlumat yayıb.

Bildirilir ki, partlayış gəminin motor bölməsində baş verib.

İlkin məlumatlara görə, insident nəticəsində 4 nəfər xəsarət alıb, onlardan 30 yaşlı bir nəfərin vəziyyəti ağırdır.

Yaralılar, təcili tibbi yardım briqadasının köməkliyi ilə xəstəxanaya çatdırılıblar.

Qəzanın təfərrüatları hələlik məlum deyil.

Namiq Musayev