Gürcüstanda həbsdə olan Azərbaycan vətəndaşlarının sayı açıqlanıb

Gürcüstan həbsxanalarında 103 Azərbaycan vətəndaşı cəza çəkir. Bu barədə Gürcüstan Milli Statistika İdarəsinin (GEOSTAT) may ayı üzrə hesabatında bildirilib.

Qeyd olunub ki, bu göstərici ötən ayla müqayisədə 3 nəfər azdır.

Həbsdə olanlardan 90 nəfər məhkum edilib, onlardan 81-i kişi, 9-u isə qadındır.

Barələrində məhkəmə hökmü olmayan 13 Azərbaycan vətəndaşından 8-i kişi, 5-i isə qadındır.

Bundan başqa, qonşu ölkədə 23-ü kişi, 2-si qadın olmaqla, 25 Azərbaycan vətəndaşı probasiya nəzarətində saxlanılır. Onlardan 9-u Tbilisi, 8-i Kvemo-Kartli, 4-ü Kaxeti, 1-i Sameqrelo-Zemo Svaneti, 3-ü isə Acara-Quriya regionunda probasiya nəzarətindədir.