Hörmüz boğazı nə vaxt açılacaq? - Vaşinqtondan İDDİALI AÇIQLAMA

Hörmüz boğazı 2026-cı ilin yayından gec olmayaraq açılacaq.

Avtosfer.az-ın CNBC telekanalına istinadən xəbərinə görə, bu barədə ABŞ-nin energetika naziri Kris Rayt məlumat verib.

"Hörmüz boğazından keçid mümkün olduğu zaman dərhal bərpa olunacaq, lakin ən geci bu yay olacaq", - deyə Rayt bildirib.

Nazir əmin edib ki, əgər İran qlobal iqtisadiyyatı girov saxlamağa davam edərsə, ABŞ hərbçiləri Hörmüz boğazını güc tətbiq etməklə açacaq, lakin bu, asan məsələ deyil.

"Biz bu istiqamətdə ilk addımları atmışıq, amma hərbi gücə əl atmadan saziş bağlamaq daha yaxşıdır", - deyə Kris Rayt qeyd edib.

Aprelin sonlarında İranın Ali Rəhbəri Müctəba Xamenei Tehranın Fars körfəzi və Hörmüz boğazına nəzarəti davam etdirməyi planlaşdırdığını bildirib. Xameneinin sözlərinə görə, Tehran ABŞ-nin iştirakı olmadan təhlükəsizliyi təmin etmək niyyətindədir.