İnsanlığın tıxac dəhşəti – VİDEO

Avtosfer.az atv.az-a istinadən xəbər verir ki, tıxac…Əsəblərin tarıma çəkildiyi  bir ünvan…Onunla hamı qarşılaşır, avtomobili olan da, ictimai nəqliyyatdan istifadə edən də.Hamı hər zaman harasa tələsir. Kimi işə, kimi görümə, kimi isə sadəcə, tələsir…

Tıxac elə bir problemdir ki, hətta onun statistikasını da aparırlar. Məsələn, dünyanın ən böyük tıxacı Brazilyanın San paulo şəhərində müşahidə olunub, uzunluğu düz 265 kilomtrə çatıb. Bizim, bu tip tıxaclar üçün məkanımız dar olsa da, ürəyimiz genişdir. Arada  başqasının yolunu da özümüzünkü bilib,vurub keçirik.

Mütəxəssizlər, tıxacların yaratdığı fəsadları,  insan həyatının psixoloji tələsi adlandırır. Bu tələyə düşməmək üçün, təbii ki, səbirli və mülayim görünməyə çalışmalısan, hətta nə qədər çətin olsa belə...

Tıxacın pik həddləri hamıya məlumdur. Bu, əsasən səhərlər insanların işə,məktəbə gedən, axşamlar işdən evə dönən vaxtlarına təsadüd edir.Deyirlər, mənzilə vaxtında çatmaq istəyirsənsə evdən, nəzərdə tutduğundan bir saat qabaq çıx. Təsəvvür edin, hamı bu məsləhətə qulaq asanda nə baş verir,yenə də TIXAC...

Tıxac təkcə əsəblərimizi xərcləmir, eyni zamanda  yanacaq itgisidir. Bəzən bunun da təsiri, psixaloji gərginliyimizi artırır.Belə olan halda nə etməli? Fransızsayağı aşiq olmaq ehtimalınız, ruslar kimi dil öyrənmək həvəsiniz, şahmat oynamaq bacarığınız yoxdursa, o zaman vəziyyətdən necə çıxmaq olaq?  

Bəli, səbr müvəffəqiyyətin açarıdır. Bu baxımdan istənilən halda təmkinli olmağı bacarmalıyıq. Birdə ki, tıxac heç də həmişə pis rol oynamır.Arada işimizə də yarayır. Unutmayın, “tıxacdaydım” deyə,  böyük bir bəhanəmiz var.