İlon Mask Los-Ancelesdə daha 4 evini satışa çıxardı; 62,5 milyon dollara

Amerikalı iş adamı, “Tesla” və “SpaceX” şirkətinin qurucusu İlon Mask, Los-Ancelesdə daha 4 evini satışa çıxarıb. Avtosfer.az xəbər verir ki, evlərin ümumi qiyməti 62,5 milyon dollar dəyərindədir. Bu barədə “Business Insider” nəşri məlumat yayıb.

Bundan əvvəl “Wall Street Journal”ı məlumat vermişdi ki, Mask Los-Ancelesin nüfuzlu Bel-Eyr rayonunda yerləşən şəxsi malikanəsini 29 milyona satıb.

Nəşrin məlumatına görə, Mask evi iş adamı Ardi Tavanqariana məxsus “LLC” şirkətinə satmaqla bağlı razılığa gəlib.

Həmçinin qeyd edilib ki, əvvəllər iş adamı məktub yazaraq Los-Ancelesdə yerləşən bütün mülklərini satmaq niyyətində olduğunu bildirmişdi.

May ayında Maskın “Twitter” hesabında bununla bağlı sirli qeydə də rast gəlinmişdir: “Mən demək olar ki, bütün əmlakımı satıram, mənim evim olmayacaq”.

Namiq Musayev