İnşası davam edən tunel çökdü; 3 nəfər xəsarət aldı - FOTO

Bolqarıstanda dağlıq ərazidə tikilməkdə olan tunel çöküb. Avtosfer.az xəbər verir ki, hadisə iyunun 24-də səhər saatlarında paytaxt Sofiya yaxınlığında yerləşən avtomagistralda baş verib. Bu barədə yerli “Novinite” nəşri məlumat yayıb.

Məlumata görə, “Struma” avtomagistralı üzərində inşası davam edən tunel aparılan tikinti zamanı qəfildən bir hissəsi uçub. Bildirilir ki, insident nəticəsində 3 nəfər xəsarət alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Hadisə yerinə polis və xilasetmə xidmətinin əməkdaşları cəlb edilib.

Namiq Musayev