İş adamı avtomobilində oğlunun gözü qarşısında güllələndi - FOTO

Ukraynanın Poltava əyalətində naməlum şəxslər iş adamını avtomobilində güllələyərək qətlə yetiriblər. Avtosfer.az yerli KİV-ə istinadən xəbər verir ki, insident “Kiyev” – “Xarkov”  avtomagistralının Piryatin şəhəri yaxınlığında qeydə alınıb.

İlkin məlumata görə, muzdlular yerli iş adamı İqor Plekanı, 7 yaşlı oğlunun gözü qarşısında odlu silahdan atəş açaraq öldürüblər.

Hüquq-mühafizə orqan əməkdaşları, iş adamının cəsədini “Mercedes S class” markalı avtomobildən aşkarlayıblar.

Faktla bağlı cinayət işi açılıb, istintaq-əməliyyat tədbirləri davam etdirilir.

Namiq Musayev