İtkin düşən balıqçıların qardaşları çarəsiz vəziyyətdə: "On gündür xəbər yoxdur" - VİDEO

Yanvarın 13-də Lənkəran şəhəri, Siyavar kəndi yaxınlığında Xəzər dənizində itkin düşdüyü ehtimal edilən balıqçılar - 1984-cü il təvəllüdlü Mahmud Əbdüləli oğlu İbayev və 1968-ci il təvəllüdlü Nazim Səməd oğlu Abbasovun axtarışları davam etdirilir.

Avtosfer.az xəbər verir ki, Mahmud İbayevin qardaşı Rəşad İbayevin sözlərinə görə, qayıq istiqamətini dəyişib və onlar İrana tərəf getmiş ola bilərlər:

"On gündür xəbər yoxdur. Bəlkə də İrana gediblər. Hələlik heç bir xəbər yoxdur. Hava küləkli olsaydı, qayıq batmış ola bilərdi. O vaxt hava dumanlı idi, nə baş verdiyini yalnız Allah bilir".

Qeyd edək ki, hazırda balıqçıların axtarışları Fövqəladə Hallar Nazirliyinin (FHN) Aviasiya dəstəsinin helikopteri, Xüsusi Riskli Xilasetmə Xidmətinin xilasediciləri və Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri tərəfindən həyata keçirilir.

Ətraflı Baku TV-nin süjetində: