Kondisioneri 10 günə düzəlməyən metro qatarı

Hansısa məsələyə təkrar qayıtmağı xoşlamasam da, bu səhər metrodakı havasızlıqla bağlı müzakirələr eyni mövzuya qayıtmağa vadar etdi.  Fevralın 20-də bu saytda gedən xəbərdə (https://avtosfer.az/az/oxucu-mektublari/baki-metrosunun-son-model-qatarinda-sauna-204419 ) 
müasir qatarda kondisionerin işləməməsi barədə yazmışdım. Səhər sərnişin axını gur olan vaxtda vəziyyət həqiqətən də dözülməz idi. Maşinist bizə pəncərəni açmağı tövsiyə etsə də, faydası olmadı. Pəncərələr kilidli idi. 
İş elə gətirdi ki, ötən gün eyni qatarla (vaqon sayı 0020, marşrut sayı 38) eyni yolu getməli oldum. Bu dəfə də qatarda kondisoner işləmirdi. Pəncərələr isə kilidli idi. Açılan bir pəncərə də qatar sürət yığan kimi öz-özünə bağlandı. Bu dəfə də sərnişinlərə pulsuz sauna xidməti göstərildi.

Vüqar