Körpəni 5 000 dollara satmaq istəyən valideynlər saxlanıldı

Gürcüstanda körpənin satılması və alınmasına görə üç nəfər saxlanılıb. Bu barədə ölkənin Dövlət Təhlükəsizliyi Xidmətindən bildirilib. İstintaqla müəyyən olunub ki, Duşeti rayonunda yaşayan cütlük bu ilin iyunun 18-də dünyaya gələn uşaqlarını gəlir əldə etmək məqsədilə satmaq istəyib.

Valideynlər körpəni 5 000 ABŞ dollarına almaq istəyən şəxslə razılığa gəliblər. Həmin şəxs yeni doğulan uşağın şəhadətnaməsində ata kimi qeydiyyata alınıb. Ata-ana danışılan məbləği alarkən saxlanılıb.

Faktla bağlı istintaq aparılır. Saxlanılan şəxsləri 2 ildən 5 ilədək azadlıqdan məhrumetmə cəzası gözləyir. (“Report”)