Kürdə problem: Bir sıra şəhər və rayonlarda su kəsiləcək

Azərbaycanın bəzi rayonlarında içməli suyun verilişində məhdudiyyətlər olacaq. 

Avtosfer.az xəbər verir ki, bununla bağlı “Azərsu” ASC məlumat yayıb.

Bildirilib ki, Kür çayında bulanıqlığın artması ilə əlaqədar Kür sutəmizləyici qurğularında suyun emalı müvəqqəti dayandırıldığından Şirvan və Hacıqabul şəhərlərinə, həmçinin, Bakının Qaradağ və Binəqədi rayonlarının bəzi ərazilərinə içməli suyun verilməsində müəyyən məhdudiyyətlər tətbiq ediləcək.