Magistral yollardakı vəziyyət açıqlandı - SİYAHI - VİDEO

Ölkə ərazisində yaşanan qeyri-sabit hava şəraiti ilə əlaqədar Baş Dövlət Yol Polisi İdarəsi (BDYPİ) magistral yollarındakı vəziyyəti açıqlayıb.

İdarədən Avtosfer.az-a verilən məlumata görə,

hazırda:

- Bakı-Quba-Rusiya sərhədi yolunda (40-cı km-dən başlayaraq)

-  Bakı-Şamaxı-Yevlax yolunda (30-ci km-dən başlayaraq)

-  Gəndob-Yalama yolunda ( 41-ci km-dən başlayaraq)

- Bakı-Qazax-Gürcüstan sərhədi yolunda (251-ci km -dən başlayaraq)

- Yevlax-Zaqatala-Gürcüstan dövlət sərhədi yolunda

- Qaraməryəm-İsmayıllı-Şəki yolunda (93-cü km-dən başlayaraq)

-  Ağsu aşırımında

fasilələrlə qar yağışı müşahidə olunur.

Həmçinin qeyd edilib ki, yollarda hər hansı məhdudlaşma yoxdur. Yolların qardan təmizlənməsi işi fasiləsiz davam etdirilir. Təhlükəli hesab edilən yol sahələrində Dövlət Yol Polisi əməkdaşları tərəfindən xidmət gücləndirilib. 

Sonda, bir daha sürücülərdən hava şəraitini nəzərə alaraq, ehtiyatlı olmaları və təhlükəsiz sürmə prinsiplərinə riayət etmələri xahiş olunub.