Maşından döyülüb atılan deputatlığa namizəd

Türkiyədə 4 gün ərzində bir xəbər alına bilməyən millət vəkilliyinə müstəqil namizəd Halil İbrahim Göğüş əlləri bağlı və döyülmüş vəziyyətdə tapılıb.

Avtosfer.az Türkiyə mətbuatına istinadən xəbər verir ki, Göğüşdən xəbər ala bilməyən ailəsi, seçki bürosunun əməkdaşları polisə xəbər ediblər və geniş miqyaslı axtarış tədbirləri başladılıb. Gecə saatlarında Gaziantepdə avtomobildən atılan namizədi görən sakinlər tez polisə xəbər veriblər. Əraziyə gedən polis Göğuşü yaralı halda tapıb. Təcili xəstəxanaya aparılan namizəd yaşadıqlarını xatırlamadığını deyib.

Qeyd edək ki, bunu edənlərin kim olduğu hələ məlum deyil, polis məsələylə bağlı axtarış tədbirlərini davam etdirir.