“Mercedes”dən 2 kq-a yaxın heroin aşkarlanıb - Biləsuvarda

Biləsuvarda avtomobildən narkotik vasitə aşkarlanıb. Daxili İşlər Nazirliyindən Avtosfer.az-a verilən məlumata görə, Biləsuvar Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində “Mercedes” markalı avtomobil şəhər ərazisində saxlanılıb. Sürücü, Şəki rayon sakini R.Yəhyayev, sərnişinləri olan qardaşı Q.Yəhyayev və həmyerlisi G.Həsənova polis əməkdaşları tərəfindən RPŞ-yə gətiriliblər.

Şəxsi axtarış zamanı G.Həsənovadan 1 kiloqram 848 qrama yaxın heroin və 67 qrama yaxın metamfetamin aşkar edilərək götürülüb.

Namiq Musayev