Metroda ayağını aralayıb oturan kişilərə cəza – VİDEO

Nyu-York polisi metropolitenin rəhbərliyinin təşəbbüsü ilə ictimai nəqliyyatda ayağını aralayıb oturan və bunun nəticəsində iki nəfərlik yeri tutan kişilərin həbsinə başlayıb.

Avtosfer.az bu barədə huffington post-a istinadən xəbər verir.

Artıq iki latın amerikalı bu cəzaya məruz qalıb, onlar "ayağını aralayaraq oturmaqda və digər sərnişinlərə hörmətsizlikdə" ittiham edilirlər.

Kişilər şərti cəza alıblar, belə ki, hakimlər qeyd ediblər ki, hadisə günün günorta vaxtı metroda adam az olarkən baş verib.

Nyu-York sakinləri, əsasən də qadınlar, bu cəzadan çox razıdırlar. Jurnalistlər hakimlərin verdiktini və bu fakta diqqətin yönəldilməsini "bloqerlərin qələbəsi" hesab edirlər.

"Yer tutan ayaqlara" diqqəti onlar "Tumblr" sosial şəbəkəsində keçirilən kampaniya ilə diqqət çəkdilər. Onlar bunun üçün sosial şəbəkədə ayaqlarını aralayaraq oturan, bununla da başqa sərnişinə oturmaq imkanı verməyən kişilərin şəkillərini paylaşıblar.