Motosiklet sürücülərindən ŞİKAYƏT EDİLDİ: Polis onları tapıb selfi çəkdirdi - FOTO

Motosikletçi gənclərdən səs-küy şikayəti alan polis əməkdaşları onlarla şelfi çəkdirib. 
Avtosfer.az xəbər verir ki, hadisə Türkiyənin Antalya şəhərində baş verib.
Məlumata görə, motosikletçi gənclərin səs-küy salması barədə 112 Təcili Zəng Mərkəzinə məlumat daxil olduqdan sonra bölgəyə polis əməkdaşları göndərilib. Verilən ünvana gələn polis, təxminən 20-25 gənc motosikletçinin ifadəsini alıb və onlarla maarifləndirici söhbətlər aparıblar.

Əməkdaşlar qüvvəyə minəcək yeni qanunlar və yol hərəkəti qaydalarına dair cərimələrin artırılması ilə bağlı da gəncləri məlumatlandırıblar. Yoxlamalar zamanı heç bir qayda pozuntusu ilə üzləşməyən polis əməkdaşları ərazini tərk edən zaman gənclər onlarla xatirə olaraq şəkli çəkdirmək istədiklərini deyiblər. Gənclərin sözlərini yerə salmayan asayiş keşikçiləri onlarla selfi çəkdirib.

Namiq Musayev