Mübahisə etdikləri şəxsləri avtomobildə güllələdilər; 1 ölü, 2 yaralı

Şimali Osetiyada naməlum şəxslər avtomobilə atəş açıblar. Avtosfer.az xəbər verir ki, insident iyunun 26-da axşam saatlarında Priqorodnıy rayonunun Maysk kəndində qeydə alınıb. Bu barədə “ekhokavkaza.com” məlumat yayıb.

Məlumata görə, “Qafqaz qovşağı” restoranı yaxınlığında, aralarında şəxsi münasibətlər zəminində baş verən mübahisə zamanı, hələlik şəxsiyyətləri müəyyənləşdirilməyən bir qrup şəxs avtomobilə atəş açıblar və daha sonra hadisə yerini tərk ediblər.

Nəticədə 1 nəfər ölüb, 2 nəfər isə xəsarət alıb.

Hazırda münaqişənin bütün iştirakçıları polis əməkdaşları tərəfindən müəyyənləşdirilərək saxlanılıblar.

Faktla bağlı cinayət işi açılıb, istintaq hərəkətləri davam etdirilir.

Namiq Musayev