Ordumuz ermənilərin uçan aparatını məhv etdi - FOTO-VİDEO

Ermənistan Silahlı Qüvvələrinin növbəti pilotsuz uçan aparatı (PUA) məhv edilib. Müdafiə Nazirliyinin mətbuat xidmətindən verilən məlumata görə, PUA cəbhənin Ağdam rayonu istiqamətində vurulub. Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus 1 ədəd DJI Inspire1 (Quadcopter) pilotsuz uçan aparat bölmələrimizin sayıqlığı nəticəsində vaxtında aşkar olunaraq atəş nəticəsində məhv edilib.

Xatırladaq ki, bu təmas xəttində vurulan ilk pilotsuz uçan təyyarə deyil. Belə ki, bu ayın əvəllərində cəbhənin Füzuli və Tərtər rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus 3 ədəd DJI Inspire1 (Quadcopter) tipli pilotsuz uçan aparat (PUA) bölmələrimizin sayıqlığı nəticəsində vaxtında aşkar olunaraq açılan atəş nəticəsində məhv edilib.

Yanvar ayında da cəbhənin Ağdam istiqamətində Silahlı Qüvvələrimizin mövqeləri üzərində erməni PUA-sı Hərbi Hava Qüvvələrimiz tərəfindən məhv edilmişdi.

Fərid