Ötən gün 32 cinayətin üstü “isti izlər”lə açılıb: 12 nəfər saxlanılıb

Fevral 1-də daxili işlər orqanlarında qeydə alınmış cinayət və hadisələr haqqında statistik məlumatlar açıqlanıb. Bu barədə Avtosfer.az-a DİN-in Mətbuat Xidmətindən  məlumat verilib.

Bildirilir ki, gün ərzində törədilmiş 32 cinayətin üstü “isti izlər”lə açılıb. Əvvəlki dövrlərdən bağlı qalmış 17 cinayətin açılması təmin olunub.    
Eyni zamanda axtarışda olduğuna görə ümumilikdə 26 nəfər, o cümlədən borclu şəxs qismində axtarışda olan 12 nəfər saxlanılaraq aidiyyəti üzrə təhvil verilib.
Respublikanın avtomobil yollarında 1 yol-nəqliyyat hadisəsi baş verib, nəticədə 1 nəfər ölüb, 1 nəfər xəsarət alıb.   

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 19, qanunsuz saxlanılan silah-sursatla bağlı 2 fakt müəyyən olunub. Cinayət törətməkdə şübhəli bilinən 42 nəfər saxlanılıb.