Polis 3 rayonda əməliyyat keçirib, qanunsuz silahlar götürülüb

Rayon Polis Şöbələri tərəfindən keçirilən əməliyyatlarla qanunsuz odlu silahlar aşkar edilib.

Daxili İşlər Nazirliyinin mətbuat xidmətindən  verilən xəbərə görə, Xaçmaz rayon polis əməkdaşlarının keçirdikləri əməliyyat-axtarış tədbirləri nəticəsində fevralın 25-də rayon ərazisindəki evlərin birindən 1 ədəd televizor və sənədləri ilə birgə “Dragon” markalı tüfəngi oğurlamaqda şübhəli bilinən Armud-Padar kənd sakinləri Ş.Almasov və M.Sultanov saxlanılıblar.

Bundan başqa, Kürdəmirin Dayıkazımlı kənd sakinləri N.Məhərrəmovdan “Tula”, S.Feyzullayevdən “Fortune”, Neftçala rayonunun Boyat kənd sakini S.İsmayıllıdan isə müvafiq sənədləri olmayan “İJ-54” markalı ov tüfəngi götürülüb.