Prezidentin iqamətgahı qarşısında içində sərnişinlərin olduğu avtobusu yandırdı - FOTO

Braziliyada naməlum şəxs prezident Jaira Bolsonarunun rəsmi iqamətgahı qarşısında içərisində sərnişin olan avtobusu yandırıb. Avtosfer.az xəbər verir ki, insident paytaxtın Planaltu sarayının qarşısında baş verib. Bu barədə “G1” portalı məlumat yayıb.

Məlumata görə, şübhəli, ölkə prezidentinin apardığı siyasətə etiraz olaraq içərisində 10 sərnişin olan avtobusun üzərinə benzin tökərək yandırıb və sonra üstünə çıxaraq etiraz şüarları səsləndirib. Hadisəni törədən şəxs polis tərəfindən saxlanılaraq komissarlığa aparılıb.

Yanğınsöndürənlər, bir hissəsi yanmış avtobusu söndürüblər.

Bildirilir ki, yanğın zamanı xəsarət alan olmayıb.

Namiq Musayev