"Qarabağ" "Çelsi" ilə oyunda növbəti xalını qazanıb

"Qarabağ" UEFA Çempionlar Liqasının əsas mərhələsinin IV turunun oyununda doğma meydanda "Çelsi" (İngiltərə) ilə qarşılaşıb.

Avtosfer.az-ın məlumatına görə, Tofiq Bəhramov adına Respublika stadionunda reallaşan matç 2:2 hesablı heç-heçə ilə yekunlaşıb.

Hesabı londonlular açıblar. 17-ci dəqiqədə Estevan Villian fərqlənib. Ardınca "köhlən atlar" iki qol vurublar. 29-cu dəqiqədə Leandro Andrade tablodakı rəqəmləri eyniləşdirib. 10 dəqiqə sonra isə Marko Yankoviç əllə oyuna görə təyin olunan penalti zərbəsini qola çevirib. İkinci hissədə isə "zadəganlar" məğlubiyyətdən xilas olublar. Alexandro Qarnaço 53-cü dəqiqədə hədəfdən yayınmayıb.

Bununla da ağdamlılar cari mövsüm Çempionlar Liqasının Liqa mərhələsindəki xallarının sayını 7-ə çatdırıblar.

Qeyd edək ki, Qurban Qurbanovun rəhbərlik etdiyi kollektiv V turda, noyabrın 25-də səfərdə İtaliyanın "Napoli" kollektivinin qonağı olacaq.

***

UEFA Çempionlar Liqasının əsas mərhələsinin dördüncü turu çərçivəsində Tofiq Bəhramov adına Respublika stadionunda "Qarabağ" - "Çelsi" qarşılaşması start götürüb.

Avtosfer.az xəbər verir ki, matçı avstriyalı hakim Sebastian Qishamer idarə edir.

***

UEFA Çempionlar Liqasının Liqa mərhələsində 4-cü turun oyunları keçirilir.

Avtosfer.az xəbər verir ki, bu gün Azərbaycan təmsilçisi “Qarabağ” meydana çıxacaq.

Qurban Qurbanovun komandası Bakıda İngiltərə nəhəngi “Çelsi”ni qəbul edəcək. Tofiq Bəhramov adına Respublika Stadionunda keçiriləcək qarşılaşma saat 21:45-də başlayacaq.

“Çelsi” hazırda turnir cədvəlində 13-cü, “Qarabağ” isə 15-ci pillədə qərarlaşıb. Hər iki komandanın 6 xalı var.

Xatırladaq ki, “Qarabağ” “Çelsi” ilə artıq iki dəfə qarşılaşıb.  Ağdam təmsilçisi 2017/2018 mövsümündə Çempionlar Liqasının qrup mərhələsində Londonda 0:6, Bakıda isə 0:4 hesabı ilə rəqibinə uduzub.

5 noyabr

UEFA Çempionlar Liqası

Liqa mərhələsi, 4-cü tur

21:45. “Qarabağ” (Azərbaycan) – “Çelsi” (İngiltərə)

Baş hakim: Sebastian Qishamer (Avstriya)

Tofiq Bəhramov adına Respublika Stadionu.

***

Komandaların start heyətləri açıqlanıb.

“Qarabağ”: Mateus Koxalski, Elvin Cəfərquliyev, Bəhlul Mustafazafə, Kevin Medina, Mateus Silva, Pedro Bikalyo, Marko Yankoviç, Kadi Borgez, Leandro Andrade, Abdullah Zubir (k), Kamilo Duran

Ehtiyat heyət: Şahruddin Məhəmmədəliyev, Fabian Buntiç, Samuel Mmae, Kris Kuaku, Nəriman Axundzadə, Emmanuel Addai, Dani Bolt, Oleksiy Kaşuk, Toral Bayramov, Abbas Hüseynov, Hikmət Cəbrayılzadə, Bədavi Hüseynov

“Çelsi”: Rober Sançes, Mark Kukurelya, Tosin Adarabioyo, Ceymi Qittens, Andrey Santos, Joao Pedro, Yorrel Xato, Ris Ceyms (k), Tayrik Corc, Estevao, Romeo Lavia

Ehtiyat heyət: Filip Yorqensen, Maks Merrik, Enso Fernandes, Liam Delap, Trevo Çaloba, Meyses Kaysedo, Malo Qyusto, Uesli Fofana, Coçua Açeamponq, Mark Qio, Fakundo Buonanotte, Alexandro Qarnaç