Qax sakini at arabasının altında qaldı

Qaxda 25 yaşlı gənc bədbəxt hadisə nəticəsində ağır xəsarət alıb. Qax Rayon Mərkəzi Xəstəxanasından (RMX) APA-ya verilən məlumata görə, dekabrın 26-ı axşam saatlarında rayonun Qaysarlı kənd sakini 1990-cı il təvəllüdlü Elnur Rüstəm oğlu Kərimov travmatik şok vəziyyətdə xəstəxanaya daxil olub. Həkim müayinəsi və araşdırması zamanı məlum olub ki, 25 yaşlı Elnur Kərimov kənd ərazisində at arabası ilə hərəkətdə olarkən anidən müvazinətini itirib və yerə yıxılıb. Daha sonra araba onun üzərinə düşüb. Nəticədə Elnur Kərimov qapalı kəllə-beyn travması alıb. Xəstəxananın cərrahiyə şöbəsinə yerləşdirilən Elnur Kərimovun hazırda vəziyyətinin orta-ağır olduğu bildirilir.