Qayda pozmaqda bir-birləriylə yarışan avtomobillər kameraya düşdü

Bir-birindən geri qalmayaraq qayda pozan sürücülər piyadalar üçün təhlükə yaratdı.
Avtosfer.az xəbər verir ki, kütləvi qayda pozuntusu Biləcəri qəsəbəsinin Əhməd Qasımov küçəsində qeydə alınıb. Həvəskarın kamerasına tuş gələn görüntüdən də məlum olduğu kimi piyada səkisində parklanmış 6 nəqliyyat vasitəsi - “BMW” markalı, 10-KR-030 dövlət nömrə nişanlı avtomobil, “VAZ 2111”markalı, 99-RK-892 dövlət nömrə nişanlı avtomobil, “Mercedes-Benz” markalı, 10-ZV-746 dövlət nömrə nişanlı avtomobil, “Niva” markalı, dövlət nömrə nişanı olmayan avtomobil, “Toyota Prius” markalı, 10-LM-717 dövlət nömrə nişanlı avtomobil və “VAZ 2107” markalı, 10-OC-782 dövlət nömrə nişanlı avtomobil dayanma-durma qaydalarına əməl etməyib. Belə ki, avtomobillərini tam şəkildə səkidə saxlayan sürücülər piyadaların hərəkətini məhdudlaşdırıb. Nəticədə onlar həmin əraziyə çatdıqları zaman avtomobil yoluyla getməyə məcbur qalıblar. Qayda pozuntusuna yol verən avtomobil sürücülərinə qeyd edək ki, İnzibati Xətalar Məcəlləsinin 346.1 maddəsinə əsasən, 20 manat cərimə ödəməlidirlər. 

Nərmin