"Qaydalara riayət etmək hər kəsin borcudur"

Yoluxmaların artmının qarşısının alınması üçün monitorinqlər aparılır və vəziyyət mütəmadi müzakirə olunur. Bunu Nazirlər Kabineti yanında Operativ Qərargahın bu gün keçirilən brifinqində Tibbi Ərazi Bölmələrinin İdarəetmə Birliyinin şöbə müdiri Yaqut Qarayeva deyib.

Onun sözlərinə görə, yumşalmalara gedilsə də, iaşə obyektlərində neqativ faktlar da aşkarlanır: "Bu məsələ araşdırılır və Nazirlər Kabineti vəziyyətə uyğun qərar verir. Bu qərar hər kəs üçündür: “Biz hər birimiz bu qərara riayət etməliyik ki,yoluxma sayı aşağı düşsün.

Təəssüf ki, dediyiniz məqamlar mövcuddur və sizin də dediyiniz kimi aidiyyəti qurumlar tərəfindən tədbirlər görülür. Biz sadəcə olaraq vətəndaşlarımızı yeni qaydalarla yaşamağa öyrəşməyi və həm özlərini, həm də ətrafındakıları virusdan qorumağa səsləyirik”.