Qırğızıstanın sabiq prezidenti 11 il 2 ay müddətinə azadlıqdan məhrum edilib

Qırğızıstanın sabiq prezidenti Almazbek Atambayevin barəsində olan cinayət işi üzrə məhkəmə prosesi başa çatıb. Sabiq prezidentin vəkili Sergey Slesarev bildirib ki, A. Atambayev Bişkekin 1 May Rayon Məhkəməsinin hökmü ilə 11 il 2 ay müddətinə azadlıqdan məhrum edilib.

Xatırladaq ki, Qırğızıstanın keçmiş prezidenti A. Atambayev ötən ilin avqust ayında həbs edilib. Sabiq prezidentə qarşı Qırğızıstanda vəzifə səlahiyyətlərindən sui-istifadə və korrupsiya da daxil olmaqla, bir neçə maddə üzrə ittiham irəli sürülüb. (APA)