Qobustan sakini dostunun evində öldürülüb

Qobustan rayonunda qətl hadisəsi baş verib. Qobustan rayon sakini, 1985-ci il təvəllüdlü Rövşən Tarverdiyev dostu olan həmyerlisi, 1975-ci il təvəllüdlü Cabbarov Elman Ziyadxan oğlunu öz evinə qonaq dəvət edib. Onlar yeyib-içdikdən sonra aralarında dava düşüb. Rövşən mətbəx bıçağı ilə Elmana bir neçə xəsarət yetirib. Elman aldığı ağır xəsarətlər səbəbindən hadisə yerində dünyasını dəyişib. Məlumata görə, Rövşən həmin evdə tək yaşayır. Qətli törədən şəxs tutularaq istintaqa təhvil verilib.

Faktla bağlı Qobustan rayon Prokurorluğu tərəfindən araşdırma aparılır. (APA)