Qonşunun velosipedini oğurlayan iki qardaş saxlanılıb - Bakıda

Bakıda velosiped oğruları yaxalanıb. Hadisə paytaxtın Xəzər rayonunda baş verib. Xəzər rayonu Binə qəsəbəsində yaşayan Ə.Qasımov polisə müraciət edərək özünə məxsus velosipedin oğurlandığını bildirib.

Xəzər rayon Polis İdarəsinin 3-cü polis bölməsi əməkdaşlarının keçirdiyi əməliyyat-axtarış tədbirləri nəticəsində velosipedi oğurlamaqda şübhəli bilinən qəsəbə sakinləri Akif Xasıyev və qardaşı Amin saxlanılıblar. Saxlanılan şəxslər hadisəni törətdiyini etiraf ediblər.

Faktla bağlı araşdırma aparılır.