Rayon maşınları gecə yola çıxarsa qəzaların sayı artacaq - VİDEO

Xəbər verdiyimiz kimi, maksimum kütləsi 5 tondan artıq olan yük və rayon qeydiyyatlı minik avtomobillərinin səhər saat 7-dən axşam saat 10-dək paytaxta girişinə məhdudiyyətlərin tətbiq edilməsi istiqamətində müzakirələr aparılır. Artıq Nazirlər Kabineti də bu məsələ ilə bağlı qərarını açıqlayıb. Əməkdaşlarımız bu müzakirələrə paytaxt sürücülərinin və ekspertlərin münasibətini öyrəniblər.

Ekspertlər dünyada buna bənzər məhdudiyyətlərin tətbiq olunduğunu, ancaq yenə də müəyyən məqamlara diqqət yetirilməsinin vacibliyini vurğulayırlar. Rayon qeydiyyatlı avtomobillərin şəhərə gündüz girişinə məhdudiyyət qoyulacağından həmin avtomobillər yola gecə çıxacaqlar. Bu da qəza riskini artırması məsələsini gündəmə gətirir.

Başqa bir məsələ isə rayondan gələn avtomobillərin dayanacaqla təmin edilməsi ilə bağlıdır. Baş Dövlət Yol Polisi İdarəsindən bildirilir ki, şəhərin şimal və cənub girişlərində dayanacaqlar var.