Reydlər başladı - sürücülər cəzalandırılır - VİDEO

Nəqliyyat Nazirliyinin əməkdaşları «20 Yanvar» dairəsində reyd keçirib. Reyd zamanı həm sənədi olmadan sərnişin daşıyan, həm də avtobuslar üçün nəzərdə tutulan dayanacaqlarda taksi fəaliyyəti ilə məşğul olan sürücülər aşkar edilərək barələrində cəza tədbiri görülüb.

Qadağa qoyulmasına və dəfələrlə xəbərdarlıqlara baxmayaraq yenə «20 Yanvar» dairəsində dayanaraq sərnişinm gözləyir və tıxaca səbəb olurlar. Söhbət Sumqayıt istiqamətində sərnişin daşıyan avtobus sürücülərindən gedir. Amma «20 Yanvar» dairəsi ətrafında qaydaları pozan təkcə avrobus sürücüləri deyil. Bəzi taksi sürücüləri isə avtomobillərini avtobuslar üçün nəzərdə dutulmuş dayanacaqda saxlayaraq müştəri gözləyirlər.

İctimai nəqliyyatda keçirilən reyd zamanı məlum oldu ki, bir çox sürücülərin ümumiyyətlə, sürücülük vəsiqəsi yoxdur. Reyd zamanı təxminən 40-a yaxın sərnişin avtobusuna baxış keçirilib. istismara yarasız olan sərnişin avtobuslarını xəttən kənarlaşdırılıb. Nəqliyyat Nazirliyi bu cür reydləri davam etdirəcək.