Sabah 35 dərəcə isti olacaq

Sabah ölkə ərazisində hava əsasən yağmursuz keçəcək. Ekologiya və Təbii Sərvətlər Nazirliyinin Milli Hidrometeorologiya Departamentindən Avtosfer.az-a verilən məlumata görə, mayın 30-da Bakıda və Abşeron yarımadasında havanın dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Mülayim şimal-qərb küləyi gündüz arabir güclənəcək.

Bakıda və Abşeron yarımadasında havanın temperaturu gecə 19-24 dərəcə, gündüz 28-33 dərəcə isti olacaq.

Mayın 30-da Azərbaycanın rayonlarında hava gündüz əsasən yağmursuz keçəcək, lakin axşam və gecə bəzi yerlərdə şimşək çaxacaq, qısamüddətli yağış yağacaq. Mülayim qərb küləyi gündüz bəzi yerlərdə güclənəcək.

Aran rayonlarda havanın temperaturu gecə 17-22 dərəcə, gündüz 30-35 dərəcə, dağlarda gecə 10-15 dərəcə, gündüz 22-27 dərəcə isti olacaq.