Sarayda həyətdən “Mercedes” oğurlanıb

Abşeronda avtomobil qaçırılıb. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, iyunun 16-da Abşeron Rayon Polis Şöbəsinə müraciət edən Bakı şəhər sakini M.Axundov iyunun 10-da Saray qəsəbəsi ərazisindəki bağ evinin həyətindən “Mercedes” markalı avtomobilinin qaçırıldığını bildirib. Keçirilən əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Tovuz rayon sakini, əvvəllər məhkum olunmuş Füzuli Cəfərov Şəmkir rayonu ərazisində avtomobili idarə edərkən Baş Dövlət Yol Polisi İdarəsi YPXA-nın əməkdaşları tərəfindən saxlanılıb və aidiyyəti üzrə təhvil verilib.

Fakt araşdırılır.

Namiq Musayev