Siyəzəndə reyd: SSRİ-dən qalma sürücülük vəsiqəsi ilə... - FOTO

Kənd Təsərrüfatı Nazirliyi yanında Aqrar Xidmətlər Agentliyinin Texniki Nəzarət Şöbəsinin əməkdaşları növbəti reyd keçirib. Agentlikdən Avtosfer.az-a daxil olan məlumata görə Quba, Qusar, Siyəzən, Xaçmaz və Şabran regional şöbə əməkdaşlarının iştirakı ilə Siyəzən rayonu ərazisində maarifləndirici reyd keçirilib. Tədbirlər zamanı bəzi neqativ hallar aşkarlanıb. Belə ki, kənd təsərrüfatı texnikası idarə edən bir neçə mexanizatorun sürücülük vəsiqəsi SSRİ dövründən qalma olub, onlara müvafiq olaraq xəbərdarlıq və cərimə tətbiq edilib. İzah olunub ki, idarə etdikləri texnikanın müvafiq sürücülük vəsiqəsi olmadan idarə edilməsi qadağandır. Reyd zamanı bəzi kənd təsərrüfatı texnikasında nasazıqlar aşkarlanıb. Xarici işıq cihazları, həmçinin texniki təhlükəsizliklərlə bağlı xəbərdarlıq olunub. 
Qeyd edək ki, Agentliyin Texniki Nəzarət Şöbəsi reydləri bütün rayonlarda mütəmadi davam etdirəcək.

Orxan