SOCAR yanacağa olan tələbat məsələsini belə həll etdi

SOCAR (Azərbaycan Respublikası Dövlət Neft Şirkəti) neft məhsullarını daxili tələbata yönəltmək üçün onların ixracını cüzi miqdarda azaldıb. Bu barədə SOCAR-ın prezidenti Rövnəq Abdullayev deyib. Onun sözlərinə görə, Dövlət Neft Şirkəti daxili tələbatı təmin etmək üçün belə bir addım atıb: “Neft məhsullarının ixracını dayandırmırıq, sadəcə olaraq, xarici bazarlara tədarük həcmini cüzi miqdarda azaldırıq. Avropa Oyunları zamanı yanacağa tələbat kifayət qədər yüksək olacaq. Artan tələbatı ödəmək üçün ixrac həcmlərini azaltdıq”.