Şuşada beynəlxalq elmi konfranslar keçiriləcək

“Şuşa İli” ilə əlaqədar olaraq Azərbaycan Milli Elmlər Akademiyasının elmi müəssisələrinin təklifləri nəzərə alınmaqla, Tədbirlər planı hazırlanıb.

AMEA-dan Avtosfer.az-a verilən xəbərə görə, Tədbirlər planı AMEA Rəyasət Heyətinin qərarı ilə təsdiq edilib. Tədbirlər planında “Şuşa şəhəri ərazisində radioloji və kimyəvi risklər” mövzusunda elmi konfransın keçirilməsi nəzərdə tutulur. Eləcə də Şuşa şəhərində anadan olmuş görkəmli riyaziyyatçı və fizik alimlərin yubileyləri ilə əlaqədar beynəlxalq konfranslar təşkil olunacaq. Qeyd edilib ki, Şuşa şəhərində müasir şəhərsalma konsepsiyasının reallaşdırılması məqsədilə elektron xəritələrin, verilənlər bazasının yaradılması və onların idarə olunması üçün intellektual üsulların, alqoritmlərin və sistemlərin işlənilməsi, Şuşa şəhəri və ətraf kəndlərin orta təhsil məktəblərinin fizika laboratoriyalarının lazımi cihazlarla təmin edilməsi də il çərçivəsində qarşıda duran mühüm vəzifələrdəndir.