Tıxac yaradan piyada keçidlərinin qarşısında işıqfor quraşdırılır - FOTO

Bakıda tıxac yaradan piyada keçidlərinin qarşısında işıqforların quraşdırılmasına başlanılıb. Avtosfer.az "report"a istinadən xəbər verir ki, Xocalı prospektinin Ş.İ.Xətai metrosunun qarşısından keçən hissəsində dörd ədəd yeni elektron işıqfor quraşdırılıb. 

Qeyd edək ki, Bakıda nizamlanmayan piyada keçidləri yerləşdiyi ərazilərdə mütəmadi olaraq günün pik saatlarında avtomobil tıxacları yaranır. Bu səbəbdən də nizamlanmayan piyada keçidlərində baş verə biləcək hər hansı yol-nəqliyyat hadisəsinin qarşısını almaq və yarana biləcək tıxacları minumuma endirmək üçün həmin ərazilərdə yol-patrul xidmətinin əməkdaşları xidmət aparırdı.