«Uçan skeytbord» buraxıldı - VİDEO

«Lexus» şirkəti iyun ayında elan etdiyi uçan skeytbordun görüntülərini açıqlayıb.  Avtosfer.az fins-ə istinadən xəbər verir ki, şirkətin yeniliyi gözlənildiyi kimi fantastik alınıb. Amma uçan skeytbord  yalnız xüsusi olaraq inşa edilmiş sahədə istifadə oluna bilər.

Belə ki, «Lexus» şirkəti skeytbordun  havada qala bilməsi üçün İspaniyanın Borcelona şəhərində altı maqnetik yollarla döşənilən xüsusi bir park inşa edib. Bu layihəyə bir ildən artıq vaxt sərf edilib. Hələlik uçan skeytbord yalnız bu sahədə istifadə edilə bilsə də, gələcəkdə onun əsl hadisəyə çevriləcəyi şübhə doğurmur.

Şirkətin məlumatına görə, «uçan skeytbord»da maye azot vasitəsilə soyudulan super keçiricilərdən və maqnitdən istifadə edilir. Bildirilir ki, «uçan skeytbord» Yapon dəmiryolu şirkətinin ötən il «havada yüksələn qatar» üçün istifadə edilən texnologiya əsasında hazırlanıb.